Fundasaun Alola hanesan organizasaun non-Governamental no non-lukrutivu, ne’ebé mak operandu iha Timor Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saude Inan no Oan, Programa Hakbiit Ekonomia, Programa Edukasaun no Programa Advokasia. Fundasaun Alola lidera husi Manajementu konsellu, no ho movimentu ne’ebé mak iha, ohin loron ekipa manajementu tomak lidera husi Timor-oan.

Agora dadaun Fundasaun Alola buka hela ema Timor oan ne’ebé mak kualifikadu atu bele priense pozisaun tuir mai:

OFISIÁL PROJETU, PROGRAMA EDUKASAUN, 

atu promove kualidade independensia no asesu ba edukasaun. Ofisiál Projetu ba programa Edukasaun sei responsavel atu apoiu manorin, kanorin, labarik no komunidade sira hodi asesu no hetan abilidade no kuñesimentu hodi alkansa sira nia meta pesoál.

Ofisiál Projetu ne’e sei serbisu iha Programa Edukasaun ho ekipa Projetu Formacão Professores (FP) ba implementasaun Programa Apoiu Literasia Intensivu (Intensive Literacy Support Program – ILSP) ba síklu dahuluk ensinu bazíku liuliu ba klase 1 no 2 iha munisípiu Lautem.  Projetu FP ne’e nia objetivu mak oinsa atu bele kria estratéjia ida ba manorin sira liu husi treinamentu no observasaun klase hodi hasa’e sira nia kapasidade iha area aprendizajen atu nune’e sira bele aplika fali ba kanorin sira iha eskola ne’ebé mak sira hala’o atividade aprendizajen ba. Iha projetu ida ne’e la sees mós husi kordenasaun ho projetu seluk iha Programa Edukasaun nia laran no mós Programa hotu iha Fundasaun Alola.

Xave Kompetensia sira:

  • Ofisiál Projetu ne’e sei serbisu hamutuk ho ekipa FP hodi hasa’e manorin sira nia abilidade hanorin iha disiplina literasia Tetun bazeia ba planu lisaun no kurrikulu  ne’ebé dezeñu husi Ministeriu Edukasaun, Juventude no Desportu (MEJD) ba  klase 1 no 2 iha ensinu bazíku liuhusi observasaun klase, mentoria no akonselamentu (Feedback).
  • Apoiu lider eskola sira hala’o observasaun klase ba disiplina literasia Tetun iha klase 1 no 2. Serbisu hamutuk ho manorin siklu dahuluk sira hodi utiliza material aprendizajen edukasional ne’ebé eziste inklui livru hodi apoiu disiplina literasia.
  • Serbisu hamutuk ho lider no manorin sira hodi reativa no reestabelese biblioteka iha eskola no klase laran ho material aprendizajen ne’ebé eziste iha eskola tarjetu sira.
  • Serbisu hamutuk ho ekipa FP hodi fó apoiu ba Adjuntu ka jestór sira seluk ne’ebé sai responsável atu organiza Grupo Trabalho dos Professores (GTP) no Grupo Trabalho Liderança (GTL) hanesan: halo planu ba konteidu no preparasaun, kordena ho parte sira ne’ebé involve, ko-fasilita sesaun sira, kontribui atu hadia no avalia eventu GTP no GTL, no kolabora ho ekipa hodi halao serbisu seluk ne’ebé relevante.
  • Fó-apoiu ba mentór edukasionál ka kordenadór programa atu hala’o teste numerasia no literasia inklui hatama dadus iha plataforma eskola.tl se karik presiza ;
  • Halo liña kordenasaun ho kolaborasaun ho Ministériu Edukasaun Joventude no Desportu iha nivel Nasionál no munisipiu kona-ba implimentasaun projetu.
  • Serbisu hamutuk ho kordenadór hodi prerpara planu no fornese sesaun lee kona-ba tipu lee ho ida-idak nia metodolozia ne’ebé efetivu, no uza materiál apropriadu iha prosesu hanorin no aprendizajen, nune’e mós prepara rekursu sira, partikularmente hodi dezenvolve rekursu Timor nian iha prosesu hanorin no aprendizajen.
  • Prepara materiál didátiku no rekursu sira hodi fornese atividade ka estratejía foun ba manorin no labarik sira iha aula, workshop (sorumutu) inklui dezenvolve rekursu Timor nian.
  • Prepara materiál ka rekursu sira no partisipa iha atividade eventu especiál iha Programa Edukasaun Fundasaun Alola nian no programa seluk iha Alola laran.
  • Serbisu ka kordena ho parseiru organizasaun sira seluk hodi implementa projetu kona-ba programa edukasaun iha Timor-Laran tomak.
  • Atende enkontru semanál ka enkontru ekipa edukasaun.
  • Hato’o informasaun ne’ebé persiza atu atualiza iha website/jornál kona-ba atividade eskola nian ka eventu seluk kona-ba edukasaun.
  • Serbisu ho kordenadór no konseleru nasionál hodi fornese no prerpara matadalan ne’ebé uza atu halo treinamentu ba manorin sira karik persiza.
  • Prepara ka hakerek planu, relatóriu mensál no relatóriu viajen nian (field trip report) hodi relata ba kordenadór programa.
  • Asisti ofisiaís administrasaun hodi prepara pedidu pagamentu ne’ebé rekomenda no likuidasaun ka serbisu seluk ne’ebé presiza husi Administrasaun Edukasaun relasiona ho programa.
  • Suporta ekipa biblioteka-hale’u hodi halo liña kordenasaun no kolaborasaun ho lider eskola no autoridade lokál sira hanesan xefe-suku, xefe-aldeia no komunidade iha fatin ne’ebé atu halo vizita ba bainhira persiza inklui treinamentu no preparasaun hotu relasiona ho implementasaun biblioteka-hale’u.
  • Asegura dadus (database) ka dokumentus sira kona-ba labarik no inan-aman sira ne’ebé partisipa durante halao atividade iha terenu.
  • Mantein relasaun no komunikasaun ne’ebé di’ak ho Jerenti Programa, Kordenadór Projeitu no Ofisiaís Projeitu sira iha Fundasaun Alola relasiona ho atividade projetu.
  • Responsavél ba materiál sira bainhira uza hotu no rai hikas iha fatin propriu.
  • Responsavél ba serbisu sira seluk ne’ebé presiza husi Jerente Programa Edukasaun, Kordenadór / CEO 

Kualifikasaun no Abilidade:

  • Nivel Edukasaun ba pozisaun ne’e, presiza mak pesoal ne’ebé lisensiatura D3 ka profesionalismu iha area edukasaun ka disiplina ne’ebé relevante
  • Iha koñesimentu kona-ba kurríkulu no kualidade esperiénsia hanorin iha sala laran ho métodu sentradu ba alunu no aprendizajen ativa.
  • Prioridade ba sira ne’ebé iha esperiénsia ona kona-ba akompañamentu prosesu aprendizajen nian.
  • Iha koñesimentu kona-ba estratéjia ba jestaun sala de aula ne’ebé efetivu.
  • Iha abilidade atu estabelese relasaun serbisu ne’ebé maka pozitivu ho ema oioin, inklui hirak-ne’ebé mak iha knaar lideransa nian.
  • Iha abilidade atu uza Teknolojia Informátika hanesan: Microsoft Office, Internet, Media Sosiál, prodús vídeo, hasai foto, no seluk tan.

Kualidade Pesoál ne’ebé mak esensiál: (Obrigatóriu)

  • Iha komitementu ba serbisu ho ekipa, fó treinamentu, fo akonsellamentu, no halo akompañamentu
  • La komete iha krimi ruma no hatene serbisu iha ambiente igualidade, respeita malu no onestu.
  • Abilidade komunikasaun ne’ebé a’as.
  • Prontu atu hala’o knaar oras nakonu durante implementasaun atividade programa nian
  • Iha pasiénsia, toleránsia no flexibilidade
  • Prontu atu hala’o viajen ba área rurál sira

Oinsa atu aplika:

Favór submete ita bo’ot nia karta aplikasaun no CV de’it no sei la anexa ho dokumentus seluk ba Fundasaun Alola liu husi via e-mail: vaga@alolafoundation.org ho nia titulu (Subject) e-mail: “Aplikasaun ba Vaga OP_no ita-nia naran” – Ezemplu se ita-nia naran Jose Maria karik titulu e-mail hakerek “Aplikasaun ba Vaga OP_Jose Maria

Kandidatu sira ne’ebé selesionadu de’it mak sei hetan kontaktu, ba informasaun bele kontaktu  ba nu. Telemovel: +670 3323855. 

Atu hetan kopia husi deskrisaun serbisu, favór bele manda email:

vaga@alolafoundation.org

(Koordenadora Rekursu Humanu, Fundasaun Alola)

Aplikasaun sei taka iha loron: 06 Juñu 2021 oras tuku 05:00 loraik.

The Education Program aims to improve quality and access to education in Timor Leste. In 2018, Education program continues providing scholarship support to students at primary, secondary school and university; providing support to primary school leaders and teachers through a professional learning and mentoring project; Promoting the importance of reading within the community as whole and increasing children’s interest and ability; and Expanding opportunities for early education through the Alternative Preschool (Home-based and Centre-based) in Viqueque and Ermera 

During the implementation of its activities Education Program continued engaging and collaborate with the Ministry of Education, relevant stakeholders, teachers, communities, children and students to achieved the objective of the program.

How Alola is currently supporting new mothers and families through the COVID-19 crisis.

Alola's CEO on #WOWGlobal24 - Timorese women on COVID-19.

FILMAJEN: ALOLA FORNESE TANKI BEE FASE-LIMAN BA SENTRU SAUDE BAZARTETE.

Fundasaun Alola Apoiu Nesesidades Bazika Ba Familia Uma Kain 20

Asaun Karidade Alola Ba Feto Funeravel

UPDATE KAZU SURTU COVID-19

Fontes : Komisaun Nasionál COVID-19.

SOLIDARITY

Totaling 240 packages has been distributed to 240 families in 2020 and prioritized for disadvantaged families, disabilities, and victims of gender based violence.

SOCIALIZATION

This socialization also to strengthen the SHIO groups (Village Love Mother and Child Group) on how to prevent the spread of COVID-19

PUBLIC AWARENESS

Collaborates with community radio, Alola share messages about how to prevent COVID-19 in local languages that are easily understood.

PREVENTION

Various internal organizational actions are implemented to ensure community service through 4 main programs continues since the outbreak of the COVID-19 appeared