Fundasaun ALOLA hanesan Organizasaun Non-Governamental no non-lukrutivu, ne’ebe opera iha Timor-Leste atu hasa’e kualidade moris feto no labarik, hasa’e kapasidade lideransa feto no halo advokasia ba direitu feto no labarik ho ninia motto: “FETO FORTE NASAUN FORTE”. Fundasaun ALOLA nia programa sira mak hanesan programa Saude Inan no Oan (SIO), programa Hakbi’it Ekonomia, programa Edukasaun no programa Advokasia. Fundasaun ALOLA lidera husi Konsellu Manajementu, nomos ho movimentu ne’ebé iha, ohin loron ekipa manajementu tomak lidera husi Timorense.

Agora dadaun Fundasaun Alola loke hela oportunidade ba Timor-oan (1) ne’ebe  kualifikadu atu bele priense pozisaun tuir mai:

OFISIÁL TERENU PROGRAMA SAÚDE INAN NO OAN BA MUNISIPIU MANATUTO

Pozisaun ida ne’e sei fo suporta ba Ministeriu de Saude (MS) iha nia mandatu atu reduz mortalidade inan no oan iha Timor-Leste. Ofisial Terenu Programa Saude Inan no Oan sei responsavel atu apoiu implementasaun projetu Saúde Inan no Oan – Alola liu-liu iha Munisipiu Manatuto hodi promove estatutu saúde inan no oan iha Timor-Leste.

Xave kompetensia sira:

  • Hala’o koordenasaun ho Prezidente Autoridade Munisípiu, Administradór do Postu no Xefe Suku sira  iha Munisípiu Manatuto kona-ba implementasaun programa.

  • Hala’o koordenasaun ho Servisu Saúde Munisipiu (SSM), Sentru Saude no Postu Saude iha Munisipiu Manatuto kona-ba implementasaun programa.

  • Koordena no servisu  hamutuk ho Ofisial Programa (OP), Koordenador no Jerente Programa (JP)  kona-ba atividade ne’ebé mak atu implementa iha Munispiu Manatuto.

  • Prepara Planu Atividades Edukador Ba kolega Foinsa’e Sira (Youth Peer Educator/YPE) nian iha suku tarjetu.

  • Fasilita treinamentu ba Edukador Ba Kolega Foinsa’e Sira (Youth Peer Educator), fasilita diskusaun mensal ho foinsa’e sira iha area tarjetu no mos fasilita enkontru mensal hamutuk Edukador Ba kolega Foinsa’e Sira (YPE).

  • Koordena hamutuk ho Edukador ba kolega Foinsa’e Sira (YPE) hodi hala’o atividade iha suku tarjetu.

  • Prepara relatoriu mensal inklui dadus hato’o ba Ofisial Programa no ba Koordenador karik presiza.

  • Distribuisaun material ba Edukador Ba kolega Foinsa’e Sira (YPE).

  • Servisu hamutuk ho Ofisial Terenu husi Programa Advokasia iha Munisipiu Manatuto.

  • Partisipa iha Enkontru Nasional, Munisipiu no  Postu Administrativu

  • Organiza Membru YPE karik doador sira ba vizita no mos organiza eventu balu tuir nesesidade.

Kualifikasaun no Abilidade:

  • Lisensiatura Universidade iha area Saúde Publiku, Parteira no Enfermeira. Diploma ikus ne’ebe mak legaliza husi Ministeriu da Edukasaun.
  • Esperiensia minimu tinan 1 iha area Saúde Seksual no Reprodutiva.
  • Prontu servisu mesak.
  • Kartaun Vasina Covid-19 (La’os esensial)
  • Hatene lori motor no iha karta kondusaun ne’ebe sei validu.
  • Prioridade liu ba Feto atu aplika nomos ba pesoal husi Munisipiu Manatuto, ne’ebé mak hatene lian materna, Munisipiu Manatuto nian.

OINSA ATU APLIKA:

Favor submete ita bo’ot nia aplikasaun no CV inklui dokumentus relevantes mai iha edifisiu Fundasaun Alola, Avenida Bispo de Medeiros – Mascarenhas (Quarter Jeral Polisia Militar nia oin), Dili, Timor Leste. Rekerementu sei diriji ba Kordenadora Rekursu Humanu, Fundasaun Alola, molok loron 21 Outubru 2022.

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

 

Atu hetan kopia deskrisaun servisu, favor manda email ba:

(Koordenadora Rekursu Humanu) vaga@alolafoundation.org

Aplikasaun sei taka iha oras: 5 loraik, 21 Outubru 2022.

 

 

Feto forte Nasaun Forte – Strong Women Strong Nation – Mulheres Forte Nação Fórte

Join our team - We are waiting for you!

Where to apply