Alola Foundation"Strong Women Strong Nation"
Alola Foundation
(English Below)
(Alolamedia/Dili) —Fundasaun Alola, liuhusi programa Advokasia kontinua hatudu ninia dedikasaun hodi haforte konesimentu foinsae sira iha Timor-Leste. Iha ambiente ne’ebé nakonu ho espíritu aprendizajen, ami lori ita-boot sira atu konese diak liu-tan ami nia atividade diskusaun mensal ne’ebe realiza iha Sentru Rekursu ba Feto-Taibesi.
Hanesan misaun ida, Fundasaun Alola husi Sentru Rekursu ba Feto (SRF) fornese formasaun oin-oin ba foin-sa’e no estudante sira hodi sira bele evela sira nia kapasitasaun no pronto hasoru globalizasaun. Durante tinan barak, SRF-Alola sai ona mentor diak ida ba jerasaun foin-sa’e no estudante hotu-hotu hodi bele adapta lalais ba situasaun foun liga ba mudansa ne’ebe iha.
Atu bele atinji objetivu importante ida ne’e, iha loron Sesta (27/3), SRF – Alola ne’ebé temporariamente lokaliza iha area Taibesi (uluk fatin veteranu nian), dala ita tan organiza atividade Diskusaun Mensal ho topiku Joven, Paz no Seguransa. Atividade ne’ebe tanba hetan apoia husi Sekretária de Estadu ba Igualdade (SEI) loke ofisialmente husi Gestor Alola ba programa Advokasia, Sra. Maria Evelina no partisipa husi foinsae no estudante hamutuk besik nain 50 husi Eskola Secundario – 5 de Maio, Amigo de Jesus Taibessi, Cristal, 12 Novembru, 4 Setembru, Universidade – UNTL, Unpaz, Unital, membru Rotaract Club no foinsae benifisariu husi SRF-Alola.
Iha ninia diskursu, Sra. Maria Evelina fó énfase ba papél importante juventude nian nu’udar pilar nasaun nian.
“Ita hare tanba maioria populasaun Timor-Leste mak foinsa’e, nune’e ho atividade diskusaun kona-ba pás no seguransa ne’ebe Alola organiza, ita bele hametin reziliénsia nasionál, hamenus violénsia bazeia ba jeneru, no prepara jerasaun foun sira atu sai lider ne’ebé bele garante futuru nasaun nian ne’ebé moris iha dame laran ,” dehan Sra. Maria Evelina.
Nia mós foka liu ba oinsá kria ambiente ne’ebé amigável iha eskola hodi prevene konflitu entre estudante sira.
“Iha problema barak iha nivel eskola liliu ba iha estudante ho estudante sira sempre halo problema… Tamba ne’e Fundasaun Alola kria espasu ida atu oinsa atu bele prevene sedu molok akontese. Depois oinsa mos juventude sira sai hanesan pioner ka lalenok ba iha juventude sira seluk,” nia hatutan.
Atu bele fasilita diskusaun importante ne’e, ekipa SRF-Alola konvida Sr. Jose Helder Soares, hanesan ativista foinsa’e no advogadu ida iha área Youth, Peace, and Security (YPS) atu bele partinha informasaun joventude sira iha koñesimentu di’ak kona-ba pás no sai “lalenok” ka ezemplu ne’ebé bele kria espasu amigável ba ema hotu, inklui ba feto no grupu minoridade sira. Nu’udar ativista foinsa’e no advogadu oda, Sr. Jose Helder Soares la’ós de’it fahe koñesimentu maibe mós muda persepsaun juventude sira atu sai parseiru estratéjiku ne’ebé bele hametin pás no seguransa ba tempu naruk iha Timor-Leste.
“Iha Agenda Youth, Peace and Security, ne’ebé mak ita partisipasaun ba, garante partisipasaun jovén sira-nian, protesaun ba jovén, prevensaun ba konflitu iha jovén, ba garante parseria sira-ne’ebé bele apoiu jovén, no mós apoiu pas no seguransa ba jovén,”esplika Sr. Jose Helder Soares durante apresentasaun.
Joventude besik 50 orgulhu tebes bele hetan opurtunidade haklean sira nia konesementu kona-ba asuntu Jovens, Paz no Seguransasira. Natercia Bano nu’udar estudante Cristal reprezenta partisipasaun sira seluk hato’o agradesementu ba Fundasaun Alola.
“Hau agradese los ba ida ne’e, espasu diak mai hau, aprende buat barak, no Youth Peace and Security ne’e importante los. Oinsa atu jovén sira prevene ba iha konfliktu, oinsa mos ba iha ami, atu hanesan mos jovén ida, labele halo diskriminasaun ba iha jovén hirak ne’ebe mak halo na’er iha komunidade. Obrigadu,” hato’o Natercia Bano Barreto, estudante Cristal ne’ebe partisipa iha diskusaun ne’e.
Desde inisiativa ida ne’e hahu implementa iha tinan 2003, SRF-Alola fornese ona kapasitasaun oin-oin hahú husi fornese formasaun kona-ba oinsá uza komputadór sira, uza internét hodi buka referénsia dijitál sira, komunika ho pozitivu liuhusi média sosiál sira, ko’alia públiku, kursu lideransa sira, oinsá hakerek proposta sira. Aleinde ne’e, sentru ne’e oferese sesaun edukasionál sira kona-ba igualdade jéneru, advokasia ba foin-sa’e sira, no asuntu sosiál krítiku sira seluk.
Liutiha dékada rua, WRC-Alola evolui ona ba instituisaun ida ne’ebé metin ne’ebé dedika ba hakbiit feto no foin-sa’e sira. Aleinde formasaun téknika no dezenvolvimentu proposta ba grupu feto sira, sentru ne’e serve hanesan sentru vital ida ne’ebé fornese servisu informasaun, asesu internet gratuitu, no mini-biblioteka espesializada ida. To’o ohin loron, feto no mane foin-sa’e rihun ba rihun uza ona rekursu sira-ne’e hodi sai di’ak liu iha sira nia atividade akadémika, hetan empregu, no partisipa iha atividade sívika sira.
Fundasaun Alola nafatin nakloke ba juventude hotu atu asesu ba informasaun no haburas sira-nia kapasidade. Ba foinsa’e sira ne’ebé hakarak hasae sira nia konesimentu, SRF-Alola simu ho haksolok iha tempu servisu Segunda to’o Sesta (08:30 – 17:30).
Atividade ida ne’e afirma katak seguransa mak responsabilidade koletivu, no liuhusi diálogu inkluzivu hanesan ne’e, ita prepara lider futuru Timor-Leste nian ne’ebé foti aas dame, justisa, no igualdade hodi kria nasaun ne’ebé metin.
======================
YOUTH EMPOWERMENT IN PEACE AND SECURITY MATTERS BECOMES TOPIC OF ALOLA SRF MONTHLY DISCUSSION FOR MARCH
(Alolamedia/Dili) — The Alola Foundation, through its Advocacy program, continues to demonstrate its dedication to strengthening the knowledge of young people in Timor-Leste. In an environment filled with a spirit of learning, we invite you to learn more about our monthly discussion activity held at the Women’s Resource Center (SRF) in Taibesi.
As part of its mission, the Alola Foundation’s Women’s Resource Center (SRF) provides various training for youth and students to enhance their capacity and prepare them for globalization. SRF-Alola has become a skilled mentor for all younger generations and students, helping them quickly adapt to new situations related to ongoing changes.
To achieve this important goal, on Friday (March 27), SRF-Alola—temporarily located in the Taibesi area (formerly the veterans’ site)—once again organized a Monthly Discussion activity with the topic Youth, Peace, and Security. The activity, supported by the Secretary of State for Equality (SEI), was officially opened by Alola’s Advocacy Program Manager, Ms. Maria Evelina. It was attended by nearly 50 youth and students from various institutions, including 5 de Maio Secondary School, Amigo de Jesus Taibessi, Cristal, 12 Novembru, 4 Setembru, as well as students from UNTL, Unpaz, Unital, members of the Rotaract Club, and youth beneficiaries of SRF-Alola.
In her speech, Ms. Maria Evelina emphasized the vital role of youth as the pillars of the nation.
“Since the majority of Timor-Leste’s population consists of young people, through this peace and security discussion organized by Alola, we can strengthen national resilience, reduce gender-based violence, and prepare a new generation of leaders who can guarantee a national future living in peace,” said Ms. Maria Evelina.
She also focused on creating a friendly environment in schools to prevent conflicts among students.
“There are many problems at the school level, especially among students who often face issues… Therefore, the Alola Foundation creates a space for early prevention before incidents occur. Furthermore, it is so that youth can become pioneers or mirrors for other young people,” she added.
To facilitate this important discussion, the SRF-Alola team invited Mr. Jose Helder Soares, a youth activist and advocate in the field of Youth, Peace, and Security (YPS). He shared information to ensure youth have a good understanding of peace and act as a “mirror” or an example that creates friendly spaces for everyone, including women and minority groups. As a youth activist and advocate, Mr. Jose Helder Soares did not only share knowledge but also worked to change the perception of youth to become strategic partners who can strengthen long-term peace and security in Timor-Leste.
“In the Youth, Peace, and Security Agenda, we ensure youth participation, protection for youth, conflict prevention among youth, and guarantee partnerships that can support youth, as well as support peace and security for the young,” explained Mr. Jose Helder Soares during the presentation.
The nearly 50 youths in attendance were very proud to have the opportunity to deepen their knowledge on the issues of Youth, Peace, and Security. Natercia Bano, a student from Cristal representing the other participants, expressed her gratitude to the Alola Foundation.
“I am truly grateful for this good space provided to me. I learned a lot, and Youth, Peace, and Security is very important. It teaches how youth can prevent conflict, and also for us as young people, how not to discriminate against those who make mistakes in the community. Thank you,” said Natercia Bano Barreto.
Since this initiative began implementation in 2003, SRF-Alola has provided various capacity-building sessions, ranging from computer literacy, using the internet for digital references, positive communication through social media, public speaking, leadership courses, and proposal writing. Additionally, the center offers educational sessions on gender equality, youth advocacy, and other critical social issues.
After two decades, WRC-Alola has evolved into a solid institution dedicated to empowering women and youth. In addition to technical training and proposal development for women’s groups, the center serves as a vital hub providing information services, free internet access, and a specialized mini-library. To date, thousands of young women and men have utilized these resources to excel in their academic activities, secure employment, and participate in civic activities.
The Alola Foundation remains open to all youth to access information and grow their capacities. For those who wish to increase their knowledge, SRF-Alola welcomes them during working hours, Monday to Friday (08:30 – 17:30).
This activity affirms that security is a collective responsibility, and through inclusive dialogues like this, we prepare the future leaders of Timor-Leste to uphold peace, justice, and equality to create a strong nation.
