Fundasaun Alola hanesan Organizasaun Naun Governamentál no naun-lukrutivu, ne’ebé mak operasaun iha Timor Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saude Inan no Oan, Programa Hakbiit Ekonomia, Programa Edukasaun no Programa Advokasia. Fundasaun Alola lidera husi Manajementu konsellu, no mós ho movimentu ne’ebé mak iha, ohin loron ekipa manajementu tomak lidera husi Timorense.

Agora dadaun Fundasaun Alola buka hela ema Timor oan ne’ebé mak kualifikadu atu bele priense pozisaun tuir mai:

ADMIN NO RESEPSIONISTA IHA EDIFÍSIU FUNDASAUN ALOLA, ne’ebé mak sei lokaliza iha Dili, hodi sai pontu primeiru kontaktu ho vizitante hotu iha Fundasaun Alola. Fóku husi ninia papél maka atu komprimenta vizitante hotu, identifika proposta husi sira-nia vizita no asegura vizitante hotu ho trata persiza sira ne’e ho efesiente, efetivu no ho respeitu no responsavel ba servisu sira administrasaun nian.

XAVE KOMPETÉNSIA:

• Simu no kumprimenta vizitante Fundasaun Alola nian ho amijável.
• Identifika objetivu husi sira-nia vizita, rona mensajen husi vizitante ho klaru no loos no hato’o ba pesoál Fundasaun Alola ne’ebé mak sira indika ba.
• Fornese informasaun báziku ba ema ne’ebé telefone ne’ebé iha pergunta jerál.no informasaun jerál kona-ba Fundasaun Alola ninia misaun no dirije vizitante sira ho lolos.
• Halo apontamentu no konfirma detallu ba membru staf apropriadu ho vizitante
• Asegura lista kontaktu Servisu na’in sira up to date no halo revizaun kada tinan.
• Responsavel petty cash ba atividades programa.
• Asegura lista karta tama no sai ne’e renova loroloron.
• Mantein área vizitante moos ho arumadu nafatin no agradavel iha area resepsaun eskritóriu nian;
• Rejistu naran, tempu vizita nian, asuntu, kontaktu detallu kona-ba ema sira ne’ebé vizitante sira presiza atu hasoru/bolu.
• Simu telefone no transfere ba pesoál apropriadu ka hato’o mensajen se karik presiza
• Responsabiliza ba invoice hotu husi kompañia ne’ebé servisu ho Fundasaun Alola.
• Mantein data báziku embaixada sira no governu;
• Mantein timesheet no asegura ema hotu asina iha dadersan no loraik;
• Halo kolesaun ba timesheet husi meja jerente programa nian kada fulan (iha data ikus fulan nian).
• Organiza aprovasaun finál (mensál) ba timesheet kada fulan inklui kalkula;
• Kopia ka scan Timesheet, wainhira Finansa presiza.
• Organiza sistema koreiu ho kondutór.
• Asegura arkivu sira ne’ebé relevante ho admin no resepsionista nia servisu tomak.
• Hato’o relatóriu mensál ba Jerente Eskritóriu
• Hala’o servisu seluk ne’ebé husu husi karik Jerente Eskritóriu no CEO.

KUALIFIKASAUN NO ABILIDADE:

• Eskola Sekundaria ka ekivalénte
• Esperiénsia mínimu tinan 3 ba leten iha área Adminitrasaun no Resepsionista nian.
• Abilidade interpersonal no komunikasaun ne’ebé forte.
• Abilidade jestaun tempu ne’ebé di’ak no fleksibilidade ne’ebé aas.
• Abilidade atu servisu ho efisiénsia no efikásia.
• Fornese atendimentu di’ak ba kliente ka vizitor.
• Exelente iha maneira simu no hatán Telefone
• Hatene uza komputadór liuliu programa Microsoft Word no Microsoft Excel
• Iha abilidade servisu iha ambiente ho kultura ne’ebé la hanesan.
• Komprende Fundasaun Alola nia objetivu ho ninia programa agora dadaun
• Iha abilidade hodi servisu iha presaun nia laran.
• Bele fó fiar, motiva-an no mós bele servisu laho supervizaun.
• Hatene lian Tetum no Ingles ho di’ak liu no komprende Indonesia Ingles no Portugues

OINSA ATU APLIKA:

Favor submete ita bo’ot nia aplikasaun no CV inklui dokumentus relevantes mai iha Eskritóriu Sentrál Fundasaun Alola, iha Andar 2 CBD 10 TIMOR PLAZA (Klinika Fladova nia leten) Dili, Timor Leste. (google map https://maps.app.goo.gl/FJ1sYdRq4wmzjUA89).

Rekerimentu sei diriji ba Kordenadora Rekursu Humanu, Fundasaun Alola, molok loron 02 Marsu 2026 no sei la atende aplikasaun Online.

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia deskrisaun servisu, favor manda email ba (Koordenadora Rekursu Humanu) vaga@alolafoundation.org

Aplikasaun sei taka iha oras: 5 loraik, 02 Marsu 2026.

 Feto forte Nasaun Forte – Strong Women Strong Nation – Mulheres Forte Nação Fórte