Fundasaun Alola hanesan Organizasaun Naun Governamentál no naun-lukrutivu, ne’ebé mak operasaun iha Timor Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saude Inan no Oan, Programa Hakbiit Ekonomia, Programa Edukasaun no Programa Advokasia. Fundasaun Alola lidera husi Manajementu konsellu, no mós ho movimentu ne’ebé mak iha, ohin loron ekipa manajementu tomak lidera husi Timorense.

Agora dadaun Fundasaun Alola buka hela ema Timor oan ne’ebé mak kualifikadu atu bele priense pozisaun tuir mai:

OFISIAL LOJÍSTIKU NO APROVIZIONAMENTU IHA EDIFÍSIU FUNDASAUN ALOLA, ne’ebé mak sei lokaliza iha Dili, hodi fó suporta másimu ba atividade Programa Fundasaun Alola nian liu husi fasilita servisu lojístika,Limpeza no transporte iha Departementu Suporta Edifisiu Alola nian atu nune’e bele hatán ba nesesidade Programa sira nian iha Fundasaun Alola hodi bele atinji Programa nia planu atividade servisu nian ne’ebé mak iha ona.

XAVE KOMPETÉNSIA:

• Prepara Arrendamentu ba Teras Propiedades
• Ajuda koordenadór lojístika no prokuramentu halo distribuisaun materiál servisu ba programa.
• Assite Koordenadór Lojístika no Aprovisionamentu ba prosesu aprovizionamentu ou procurement process.
• Update stók kona-ba Stationary, kitchen supply, cleaning supply.
• Prepara payment ba cleaning supply & kitchen supply.
• Responsablidade no prepara Training Room ho nia material téknika hanesan sound system, kabel listrik, mic, projector, kadeira, meja ba alugar.
• Servisu ho Koordenadór Lojístika no Aprovisionamentu wainhira Fundasaun Alola atu kontainer ruma.
• Servisu ho Kordenadora lojístika kona-ba distribuisaun materiál no rejistu doasaun nian  ba projetu hotu Fundasaun Alola nian.Responsablidade ba kalkulasaun log book kada fulan.
• Assiste Koordenadór Lojístika no Aprovisionamentu hodi rezerva karreta no sofer (booking car) ba programa.
• Servisu hamutuk ho Koordenadór Lojístika no Aprovisionamentu atu prepara pagamentu mina karreta, manutensaun karreta no hatene duni nia kondisaun problema.
• Halo relatóriu kada fulan ba Koordenadór Lojístika no Aprovisionamentu.
• Hala’o servisu seluk ne’ebé mak husu husi Koordenadór Lojístika no Aprovisionamentu, Jerente Administrasaun no Operasional ka CEO Fundasaun Alola.

KUALIFIKASAUN NO ABILIDADE:

• Eskola Sekundaria ka ekivalénte
• Esperiénsia mínimu tinan 3 ba leten iha área Lojistiku no Aprovizionamentu nian.
• Abilidade interpersonal no komunikasaun ne’ebé forte.
• Abilidade kolaborasaun efetivu no fleksibilidade ne’ebé aas.
• Abilidade atu servisu ho efisiénsia no efikásia.
• Hatene uza komputadór liuliu programa Microsoft Word no Microsoft Excel
• Iha abilidade servisu iha ambiente ho kultura ne’ebé la hanesan.
• Komprende Fundasaun Alola nia objetivu ho ninia programa sira
• Iha abilidade hodi servisu iha presaun nia laran.
• Bele fó fiar, motiva-an no mós bele servisu laho supervizaun.
• Hatene lian Tetun no Ingles ho di’ak.

OINSA ATU APLIKA:

Favor submete ita bo’ot nia aplikasaun no CV inklui dokumentus relevantes mai iha Eskritóriu Sentrál Fundasaun Alola, iha Andar 2 CBD 10 TIMOR PLAZA (Klinika Fladova nia leten) Dili, Timor Leste. (google map https://maps.app.goo.gl/FJ1sYdRq4wmzjUA89).

Rekerimentu sei diriji ba Kordenadora Rekursu Humanu, Fundasaun Alola, molok loron 02 Marsu 2026 no sei la atende aplikasaun Online.

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia deskrisaun servisu, favor manda email ba (Koordenadora Rekursu Humanu) vaga@alolafoundation.org

NB: Enkorája Feto no ema ho defisiensia atu aplika.

Aplikasaun sei taka iha oras: 5 loraik, 02 Marsu 2026.

 Feto forte Nasaun Forte – Strong Women Strong Nation – Mulheres Forte Nação Fórte