Fundasaun Alola hanesan Organizasaun Naun-govermentál (ONG) no non-lukrutivu, ne’ebé mak opera iha Timor Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia moto: “Feto Forte Nasaun Forte” no Fundasaun Alola nia programa sira mak hanesan Programa Saúde Inan no Oan, Programa Hakbiit Ekonomia, Programa Edukasaun no Programa Advokasia. Fundasaun Alola lidera husi Manajementu konsellu, no mós ho movimentu ne’ebé mak iha, ohin loron ekipa manajementu tomak lidera husi Timorense.

Agora dadaun Fundasaun Alola buka hela ema Timor oan ne’ebé mak kualifikadu atu bele prienxe pozisaun tuir mai:

OFISIÁL TERENU (OT), PROGRAMA SAÚDE INAN NO OAN, FUNDASAUN ALOLA, ne’ebé mak sei lokaliza iha Munisípiu Covalima, atu fó suporta ba Ministeriu dé Saúde iha mandatu atu redús mortalidade inan no oan iha Timor-Leste. Pozisaun ne’e sei responsável atu apoiu implementasaun projetu Saúde Inan no Oan, hodi promove estatutu saúde inan no oan iha Timor-Leste.

XAVE KOMPETENSIA SIRA:

• Halo kordenasaun ho Administrador Munisipiu Covalima, Administrador do Postu sira kona ba implementasaun Programa Suku Hadomi inan no Oan (SHIO).
• Halao kordenasaun ho Diretúr Servisu Saude Munisipiu Covalima no Ofisiál Saude Publika Distritu (DPHO), Saude Materna Infantil (SMI), DPHO Nutisaun no Promosaun no Edukasaun Saude (PES) konaba implementasaun Programa SHIO.
• Halo kordenasaun ho Xefe Sentru Saude Komunitaria sira no responsabel Postu Saude sira kona ba implementasaun Programa Suku Hadomi Inan no Oan (SHIO).
• Halo kordenasaun ho Presidente Autoridade Munisipiu no Postu Administrativu sira kona ba Implementasaun Programa SHIO.
• Halao kordenasaun ho Xefe suku sira konaba implementasaun Programa SHIO.
• Bele koalia ho inan sira hodi Esplika konaba Risku durante isin rua no Risku durante Partu no post Partu Planeamentu Familiar (PF/KB) ba inan isin rua sira.
• Bele esplika ba inan isin rua no inan fo susu sira kona ba Nutrisaun
• Bele uza Liman Kabun Leten (LKL) hodi Indentifika labarik no Inan sira ne’ebé afeita ba malnutrisaun
• Foti dadus konaba inan Isin rua sira iha suku ne’ebé implementa programa SHIO
• Foti dadus kona ba inan fo susu, hahu husi bebe foin moris to labarik Tinan 5.
• Foti dadus kona ba inan sira ne’ebé tuir métodu Planeamentu Familiar iha suku hotu
• Servisu hamutuk ho Sentru Saude no Postu Saude hodi hetan dadus konaba inan sira ne’ebé mak Partu iha Fasilidade Saude, partu iha uma ajuda husi Pesoal Saude no Partu neébé ajuda husi familia ou partu mesak.
• Servisu hamutuk ho Kordenador programa SHIO iha Suku hodi Organiza diskusaun komunidade iha suku area implementasaun Programa SHIO.
• Halo Planu Atividades hamutuk ho Kordenador Programa Programa Saude Inan no Oan iha Fundasaun Alola.
• Halo relatoriu fulan-fulan konaba rezultadu implementasaun Programa SHIO ba Kordenador programa Saude inan no Oan, Fundasaun Alola.

KUALIFIKASAUN NO ABILIDADE:

• Lisensiatura Universidade iha area Saude Publiku, Parteira no Enfermeira. Diploma ikus ne’ebe mak legaliza husi Ministeriu da Edukasaun.
• Esperensia minimu tinan 1 iha area mobilizasaun komunidade
• Prontu servisu mesak.
• Hatene lori motor no iha karta kondusaun ne’ebe sei validu.
• Prioridade liu ba pesoal husi Munisipiu Covalima, ne’ebé mak hatene lian inan ka lian matérna, Munisipiu Covalima nian.

OINSÁ ATU APLIKA:

Favor submete ita bo’ot nia aplikasaun no CV inklui dokumentus relevantes mai iha Edifisiu Sentral Fundasaun Alola, Avenida Bispo Medeiros,  Mascarenhas (Edifisiu Polisia Militar nia oin), Dili, Timor Leste.

Rekerimentu sei diriji ba Kordenadora Rekursu Humanu, Fundasaun Alola, molok loron 12 Setembru 2025 no sei la atende aplikasaun Online. Enkorája feto no ema ho defisiensia atu aplika.

Anota: Sei kontaktu diretamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia deskrisaun servisu, favór manda email ba Koordenadora Rekursu Humanu :

vaga@alolafoundation.org

Aplikasaun sei taka iha oras: 5 loraik, 12 Setembru 2025.

Feto Forte Nasaun Forte | Strong Women Strong Nation | Mulheres Forte Nação Fórte