Pozisaun                    :  HAMOS NA’IN  (OFFICE CLEANER)  ( Pesoal Nain 1)

Lokasaun Serbisu       :  Edifisiu Fundasaun Alola, Dili, Timor Leste

Data taka aplikasaun  :  18 Marsu 2024

Fundasaun Alola nia departementu Suporta Edisfisiu ou Office Support hanesan orgaun ida iha Fundasaun Alola ne’ebe mak atu fornese suporta maximu ba atividade Programa hotu iha Fundasaun Alola liu husi fasilita, material servisu, transporte logistika, rekursu humanu, administrasaun. media komunikasaun no manajementu finansas atu nune bele atinji vizaun no misaun Organizasaun nian.

Vaga ba pozisaun ida ne’e sei halao servisu hodi fo suporta maximu ba aktividade Programa Fundasaun Alola nian liu husi fasilita limpeza iha Departementu Suporta Edifisiu Alola nian atu bele kria ambiente nebe mak mo’os no hijeniku ba servisu nain hotu iha edifisiu Fundasaun Alola nian.

1. Resposabilidade :

• Asegura katak materiais dapur no limpeza nian ne’ebe uza loron-loron prontu no informa ba Supervizór wainhira hetan estragus ka hotu ona.
• Dasa no pel rai iha area sala prinsipal/oin, sala Sentru Rekursu ba Feto, sala saude Inan ho Oan, sala Artezenatu, dapur, hariis fatin, salaun treinamentu no ambinte liur loron-loron inklui meja,kadeira no material servisu seluk.
• Hamoos rai rahun iha servisu na’in sira hotu nia meja, komputador, printer no mobilia offisina iha salaun oin no mos salaun seluk-seluk.
• Hamos labadaen no rai rahun iha kantu sala hotu, Janela no plafon.
• Asegura katak kuzinha mos no arumadu loron-loron:  –  Fase kopu no bikan. –  Hamamuk lisu foer fatin iha sala hotu inklui dapur no Toilet nian.-  Hamos raga bikan nian antes atu tau sasan dapur.
• Aseguru toilet iha ofisina oin, sala treinu, Sentru tau matan ba labarik, Sentru Rekursu ba Feto no toilet kotuk mo’os nafatin no aromadu loron-loron: Taka torneira be nian se karik tanki nakonu ona. Hamamuk lixu toilet nian. Troka tisu , sabaun fase liman no tapeti hamo’os ain sekarik hotu ou foer ona. Troka toalla fase liman loron-loron. Hamoos bide sentina loron-loron. Hamoos no hamaran rai sentina oras-oras. Antes ba uma aseguru katak dapur no sentina mos no aromadu.
• Toma responsabiliza atu cek materiais sentina no kuzinha (tisu toilet, vixal, masin midar, kafe, be, sunlight, cikra, kopu no buat seluk-seluk tan).
• Servisu seluk ne’ebé mak husi Supervizór.

Kualifikasaun no Abilidade:

• Presiza mak pesoal ne’ebé esperiensia servisu tinan ida ba leten nu’udar Hamos na’in iha organizasaun ka governu ka iha esperiensia seluk ne’ebe mak relevante.
• Iha komitmentu ba servisu no badinas.
• Prioridade ba sira ne’ebé iha esperiensia ona kona-ba Hamoos edifisiu no hadia uma laran hodi bele kria ambiente servisu ne’ebe mak saudavel
• Iha koñesimentu kona-ba estratejia ba jestaun sala de aula ne’ebé efetivu.
• Iha abilidade atu estabelese relasaun serbisu ne’ebé maka pozitivu ho ema oioin, inklui ninia ekipa.
• Iha abilidade atu hakruuk ba regulamentu organizasaun ninian.

Oinsa atu aplika:

Favor submete ita bo’ot nia karta aplikasaun, CV ho referensia na’in rua (2) no dokumentu seluk direita mai Fundasaun Alola nia edifisiu, rua Bispo de Madeiros Mascarenhas-Dili, Timor Leste ka haruka liu husi email iha vaga@alolafoundation.org

Kandidatu sira ne’ebé selesionadu deit mak sei hetan kontaktu direitamente atu bele mai partisipa iha etapa intervista.