ENKONTRU KONTINUASAUN GT ADVOKASIA BA VBJ: SUBMISAUN BA PROPOSTA LEI KÓDIGU REJISTU SIVÍL

(Alola Media/Dili) — Ho objetivu atu asegura katak feto no labarik hotu iha Timor-Leste moris livre hosi kualkér forma violénsia, hetan protesaun legál ne’ebé adekuadu, no bele asesu ba servisu apoiu wainhira sai vítima, Kuarta-feira, (15/04) semana ne’e, Fundasaun Alola liuhosi Programa Advokasia ho apoiu fundus hosi Sekretária Estadu Igualdade (SEI), IX Governu Konstitusionál, konvoka fali enkontru estratéjiku ho Grupu Traballu (GT) Advokasia iha Sentru Rekursu ba Feto, Taibessi – Dili.

Enkontru ohin nian mak kontinuasaun hosi enkontru anterior ne’ebé hala’o ona iha Sentru Apoiu ba Kankru Feto (HALIKU), Mascarenhas. Iha reuniaun ne’e, membru sira diskute kestaun oioin, inklui avaliasaun estratéjika no hametin pilár prevensaun ba Violénsia Bazeia ba Jéneru (VBJ) iha Planu Aksun Nasionál (PAN-VBJ).

Enkontru ohin loke ofisialmente hosi Diretora Nasionál Dezenvolvimentu Igualdade Jéneru (DNDIJ-SEI), Sra. Olga da Costa Monteiro, reprezenta Sekretária Estadu Igualdade (SEI) akompaña hosi Diretora Ezekutiva Fundasaun Alola, Sra. Maria Guterres nomos Administradora Postu Administrativu (APA) Vera Cruz, Sra. Teresa da Costa Mariano. Reuniaun GT Advokasia ohin nian ne’e foka liu ba diskusaun kona-ba ezbosu Lei Kodigu Registu Sivil liu-liu oinsa esbosu Lei ne’e bele konsidera nafatin lia fuan “INCOGNITU” hodi bele asegura labarik sira bele asesu ba dokumentus legál no mós hodi konsidera mós “Identidade Perdida”, hanesan opsaun ida hodi hadi’a labarik sira nia identidade orijen iha futuru.  Submisaun GT Advokasia ne’ebe sei aprezenta ba Komisaun A Parlamentu Nasionál sei asegura katak labarik sira ne’ebé sai vítima ba insestu (relasaun seksuál entre família besik) ka violénsia seksuál, kontinua iha direitu ba dokumentu identidade ofisiál, nune’e sira la presiza lori karga stigma ka trauma psikolójiku iha futuru.

Iha loron 4 fulan-fevereiru tinan 2026, durante Sorumutu Konsellu Ministru iha Palásiu Governu, Projetu Lei Kodigu Rejistu Sivil ne’ebé aprezenta hosi Ministru Justisa, Sérgio de Jesus Fernandes da Costa Hornai, hetan aprovasaun. Ho projetu lei ida-ne’e, Governo Timor-Leste  hakarak atu estabelese sistema rejistu sivíl ida ne’ebé detalladu, dinámiku no seguru, ne’ebé dezeña atu garante rejistu no konservasaun ba faktu no aktu hotu-hotu ne’ebé iha relevánsia jurídika ne’ebé marka perkursu moris ema nian, hahú husi moris to’o mate.

Iha tinan 2024, GT Advokasia identifika ona problema oioin ne’ebé relasiona ho feto, labarik, foin-sa’e no komunidade, inklui kazu abandona labarik no direitu dokumentasaun ba vítima minoridade sira. Membru GT sira konsidera katak ezbosu Lei Kódigu Rejistru Sivíl husi Ministériu Justisa presiza tau matan ba pontu importante sira-ne’e. Lian-fuan “INCOGNITU” no opsaun “Identidade Perdida” sai pasu estratéjiku hodi hadi’a labarik sira-nia identidade orijen no asegura sira-nia direitu nu’udar sidadaun.

Nu’udar pilár ida hosi PAN-VBJ, Pilár Prevensaun ne’ebé sai responsabilidade prinsipál hosi GT Advokasia, iha mandatu atu hapara violénsia antes akontese. Ida-ne’e hala’o liuhosi edukasaun públiku, kampaña sensibilizasaun, no esforsu atu muda mentalidade sosiedade nian. Dezde tinan 2013, Fundasaun Alola simu fiar hosi Governu Timor-Leste liuhosi SEI atu lidera no responsabiliza ba Pilár Prevensaun ne’e.

Atividade ne’e realiza ho susesu tanba hetan partisipasaun másimu hosi membru no parseiru sira, hanesan: Sekretária Estadu Igualdade (SEI), Ministériu Justisa (MJ), Administradora Postu Vera Cruz, MSSI, INDDICA, Fokupers, AJAR, Codiva, CBRN-TL, ACBIT, Casa Vida, PRADET, MKF-Alola, ADTL, reprezentante Postu Nain Feto, reprezentante Suku Bemori, Suku Gricenfor, no parseiru sira seluk.

Ho unidade ne’ebé firme, GT Advokasia promete sei la para hodi luta ba Timor-Leste ida ne’ebé livre hosi violénsia, tuir mandatu Konstituisaun RDTL nian.

“𝗛𝗮𝗺𝘂𝘁𝘂𝗸 𝗶𝘁𝗮 𝗵𝗮𝗽𝗮𝗿𝗮 𝘃𝗶𝗼𝗹𝗲𝗻𝘀𝗶𝗮 𝗵𝗮𝘀𝗼𝗿𝘂 𝗳𝗲𝘁𝗼 𝗻𝗼 𝗹𝗮𝗯𝗮𝗿𝗶𝗸 𝗳𝗲𝘁𝗼 𝗶𝗵𝗮 𝗧𝗶𝗺𝗼𝗿-𝗟𝗲𝘀𝘁𝗲!”

ADVOCACY WORKING GROUP CONTINUATION MEETING: SUBMISSION FOR THE PROPOSED CIVIL REGISTRATION CODE

(Alola Media/Dili) – To ensure that all women and children in Timor-Leste live free from any form of violence, receive adequate legal protection, and have access to support services, this Wednesday (15/04), the Alola Foundation—through its Advocacy Program with funding from the Secretary of State for Equality (SEI), IX Constitutional Government—convened a strategic meeting with the Advocacy Working Group (WG) at the Women’s Resource Center in Taibessi, Dili.

This session serves as a follow-up to the meeting previously held at the Women’s Cancer Support Center (HALIKU). Members discussed various strategic evaluations and the strengthening of the Prevention Pillar of Gender-Based Violence (GBV) within the National Action Plan (PAN-VBJ).

The meeting was officially opened by the National Director for Gender Equality Development (DNDIJ-SEI), Mrs. Olga da Costa Monteiro, representing the SEI, accompanied by the Executive Director of the Alola Foundation, Mrs. Maria Guterres, and the Administrator of the Vera Cruz Administrative Post, Mrs. Teresa da Costa Mariano. The discussions centered on the draft Civil Registration Code, specifically how the law can incorporate the term “INCOGNITO” to ensure children can access legal documents and the “Lost Identity” option as a means to rectify original identities in the future.

This submission to Committee A of the National Parliament aims to ensure that children who are victims of incest or sexual violence maintain their right to official identity documents without carrying the burden of stigma or psychological trauma.

Earlier, on February 4, 2026, the Council of Ministers approved the Civil Registration Code project presented by the Minister of Justice, Sérgio de Jesus Fernandes da Costa Hornai. The Government aims to establish a detailed, dynamic, and secure system to guarantee the registration and preservation of all legally relevant facts from birth to death.

Since 2024, the WG has identified critical issues regarding women, children, and youth, including child abandonment. The WG believes the Ministry of Justice’s draft must prioritize these points to ensure the rights of all citizens. As the leader of the Prevention Pillar since 2013, the Alola Foundation remains committed to stopping violence through public education and awareness.

The activity was successfully attended by various partners, including SEI, Ministry of Justice, MSSI, INDDICA, Fokupers, AJAR, Codiva, PRADET, Casa Vida, and local representatives from Suku Bemori and Gricenfor. The Advocacy WG remains united in its fight for a violence-free Timor-Leste.

“Together we stop violence against women and children in Timor-Leste!”