Fundasaun Alola hanesan organizasaun non-Governamental no non-lukrutivu, ne’ebe mak opera iha Timor-Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saúde Inan no Oan, Programa Hakbi’it Ekonomia, Programa Edukasaun no Programa Advokasia. Fundasaun Alola lidera husi Manajementu Konsellu, nomos ho movimentu ne’ebé mak iha, ohin loron ekipa manajementu tomak lidera husi Timorense.

Agora dadaun Fundasaun Alola buka hela ema Timor oan ne’ebe mak kualifikadu atu bele priense pozisaun tuir mai:

OFISIÁL LIGASAUN (L.O) BA PROGRAMA ADVOKASIA, FUNDASAUN ALOLA (Nain 1)  

Pozisaun ida ne’e sei apoiu Jerente Programa Advokasia no halo kordenasaun ho Kordenador projeitu sira seluk hodi halo promosaun no fo asistensa ba vitima liu husi Sistema referral no halo advokasia ba asuntu feto no labarik inklui familia iha Dili no munisipiu hotu iha Timor-Leste. Ofisial Ligasaun sei servisu hamutuk ho Jerente Programa Advokasia hodi jere atividades  husi projeitu hotu, inklui:

XAVE KOMPETENSIA SIRA:

1. Halo ligasaun ho ONG sira seluk, Governu TL, Ajénsia ONU iha Timor-leste no parseiru relevante hirak ne’ebe iha relasaun ho programa advokasia;
2. Mantein dadus husi NGOs/Oss Nasional no Internasional ne’ebe fornese informasaun no servisu relasional ho programa Sentru Rekursu babFeto (SRF) no Projetu Suporta Munisipiu (MSP);
3. Asisti no atende vizitor sira no sistema referral tuir sira nia nesesidade;
4. Fasilita formasaun abilidade moris iha Fundasaun Alola no nivel munisipiu;
5. Simu vizitor no rejistu vizitor sira iha formatu ne’ebe mak prepara husi SRF;
6. Prepara relatoriu atividades semana nian tuir diresaun advokasia nian no submete ba Kordenador Sentru Rekursu ba Feto, Fundasaun Alola;
7. SRF nu’udar sentru ba informasaun no rekursu hodi responde vizitor feto sira nia nesesidade;
8. Fornese informasaun kona-ba atividades Fundasaun Alola nian;
9. Prepara no distribui rekursu seluk husi Fundasaun Alola ba Munisipiu sira;
10. Konfirma ho programa sira seluk Fundasaun Alola hodi servisu hamutuk iha nivel munisipiu atu kolekta informasaun dadus;
11. Halo ligasaun ho Fokupers, VPU-PNTL, Pradet, JSMP no organizasaun sira seluk ne’ebé fornese servisu Rede refferal ba vítima Violensia Bazeia ba Jeneru sira no prepara pakote asisténsia umanitária;
12. Fasilita formasaun ne’ebé identifika ona husi vizitor no grupu SRF sira iha nivel munisipiu;
13. Prepara dokumentasaun no material sira no distribui relatoriu;
14. Fo asistensia ba atividades advokasia, hanesan reuniaun, semináriu no eventu públiku sira inklui fo apoiu ba implementasaun programa iha nivel nasional;
15. Dezenha no implementa programa formasaun no hasa’e kapasidade hodi responde nesesidade ne’ebe identifika ona bazea ba evaluasaun vizitor sira;
16. Atende enkontru ho parseiru relevante sira liga ho programa advokasia;
17. Tulun ba devér sira seluk hanesan identifika ona husi Koordenador Sentru Rekursu ba Feto.

KUALIFIKASAUN NO ABILIDADE:

1. Lisensiatura iha area Direitu.
2. Iha Experensia masimu tinan 2 – 3, servisu ho organizasaun feto no labarik no iha area servisu relevante ho Ofisial Ligasaun (Liaison Officer);
3. Iha abilidade atu hakerek, rona no koalia lian Ingles;
4. Iha abilidade ba asuntu jéneru no direitus humanus;
5. Abilidade ba fasilita no koordena treinamentu no diskuasaun ne’ebé mak liga ho asuntu igualidade jéneru;
6. Iha abilidade komunikasaun di’ak ho parseiru hotu ne’ebé maka hala’o atividade servisu ba asuntu feto no labarik inklui Governu, UN-Ajensia no organizasaun internasional;
7. Bele servisu iha ekipa no individual;
8. Iha abilidade ba hakerek relatoriu.

OINSA ATU APLIKA:

Favor submete ita bo’ot nia aplikasaun no CV inklui dokumentus relevantes mai iha Edifisiu Sentral Fundasaun Alola, Avenida Bispo Medeiros – Mascarenhas (Edifisiu Polisa Militar nia oin), Dili, Timor Leste.

Rekerimentu sei diriji ba Kordenadora Rekursu Humanu, Fundasaun Alola, molok loron 12 Jullu 2024. Sei la atende Aplikasaun liu husi email.

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia deskrisaun servisu, favor manda email ba:

(Koordenadora Rekursu Humanu)

vaga@alolafoundation.org

Aplikasaun ida ne’e sei taka iha oras 5 loraik, 12 Jullu 2024.

#FetoforteNasaunForte  –  #StrongWomenStrongNation – #MulheresForteNaçãoFórte