Konstrusaun Sentru Apoiu ba Kankru Feto ne’e hanesan Projetu Konstrusaun ida-ne’ebé finansia husi Embaixada Japaun iha Timor-Leste. Projetu ne’e ezekuta husi Fundasaun Alola no implementa husi Projetu HALIKU, Programa Saude Inan no Oan, Fundasaun Alola. Konstrusaun ida ne’e hahu implementa hahú iha tinan 2024/2025.

Kontratu ne’ebé iha tenderizasaun ne’e hanesan tipu kontratu adisionál. Kontratu dezenvolvimentu no konstrusaun ne’e bazeia ba Kondisaun Kontratu Avaliasaun Enjeneriu Konsultór Fundasaun Alola nian no Kontratu Adisionamentu ne’e bazeia ba Kondisaun Kontratu husi versaun Bill of Quantity (BoQ).

Fatin konstrusaun nian mak iha área Fundasaun Alola nian. Konsultór sira-ne’e sei bazeia iha Dili nia fatin, iha Eskritoriu Fundasaun Alola, Avenida Bispo dé Medeiros, Mascarenhas – Timor-Leste

XAVE KOMPETENSIA:

1. Reprezenta Fundasaun Alola hanesan na’in ba konstrusaun Sentru Apoiu ba Kankru Feto durante serbisu konstrusaun la’o.
2. Halo kompilasaun no aprezenta relatóriu  progresu kona-ba projetu ninia lala’ok ka implementasaun tékniku no non-tekniku
   ba Diretora Ezekutiva Fundasaun Alola kada semana.
3. Fornese konsellu tékniku no fó solusaun ne’ebé kreativu ba dezafiu konstrusaun hodi asegura kualidade konstrusaun nian tuir padraun ne’ebé mak iha.
4. Hala’o monitorizasaun ba progresu serbisu kontratór nian hodi verifika katak servisu ne’e remata tuir nia padraun
   tékniku no espesifikasaun projetu nian.
5. Koordena ho tékniku kontratór ne’ebé dirije ekipa konstrusaun hodi asegura implementasaun serbisu la’o tuir ninia
   durasaun implementasaun ne’ebé mak aprova ona.
6. Asegura kontratór hala’o nia serbisu bazeia ba volume serbisu ne’ebé mak aprovadu ona iha BoQ tuir planu serbisu
   nian no kumpri prazu sira hotu.
7. Fo sujestaun kona-ba prosesu no dezeñu tékniku atu hadi’a dezempeñu no efisiénsia.
8. Hato’o pareser no halo aprovasaun sasán ka materiál sira hotu antes kontratór uza halo konstrusaun no asegura
   kontratór halo teste ba kualidade ba materiál no estrutura konstrusaun.
9. Halo verifikasaun ba progresu serbisu kontratór ba invoice ka pagamentu hotu antes submete ba Diretor Ezekutiva
   Fundasaun Alola hodi hala’o pagamentu.
10.  Mantein no asegura dokumentasaun projetu kona-ba atividade enjeñaria nian hotu.
11. Asegura projetu nia ninia komprimidu ba kontratu legál diretiva ambientál no rekezitu saúde no seguransa hotu nomós
    fó konsellu planu mitigasaun ba impaktu ambientál husi projetu sira.

ESPERIENSIA TEKNIKA, ABILIDADE NO KOÑESIMENTU

1. Iha esperiensia lidera ka halo supervisona ba implementasaun konstrasaun sivil ne’ebé mak implementa husi kontrator sira pelumenus tinan 10.
2. Profisional iha software padraun ba Windows (spreadsheet no gráfiku) no iha komprensaun diak iha sistema dezenhu prinsipál sira.
3. Tenke hatene lee dezeñu injineru nian.
4. Kapasidade atu fornese asisténsia iha servisu enjeñaria sivíl inklui serbisu karpentaria, servisu kanalizasaun no eletrisidade nian.
5. Tenke iha kapasidade atu hala’o funsaun bázika (hanesan, halo manipulasaun ka halo sketsa ba dezeñu no hatene uza AutoCAD.
6. Hatene komunika diak iha lian Tetum, Bahasa Indonesia no mos Ingles.

OINSA ATU APLIKA

Fundasaun Alola sei simu aplikante kualifikadu sira no espera kandidatu sira ne’ebé pasa bele hala’o servisu hahú iha fulan Augustu 2024. Aplikante sira ne’ebé interese bele submete Kurikulum Vitae ho referénsia ema na’in 3 no Karta Aplikasaun direitamente submete dokumentu iha eskritóriu Fundasaun Alola iha Avenida Bispo Medeiros, Mascarenhas-Dili. (Quarter Jeral Policia Militar nia oin).  Data ikus submete dokumentus iha 21 Augustu 2024.

Atu bele hetan informasaun klaru liu tan bele hato’o ba kordenadora Rekursu Humanu liu husi email: 

vaga@alolafoundation.org 

Applications close 5pm 21^th August 2024.

Strong Women Strong Nation | Feto forte Nasaun Forte | Mulheres Forte Nação Fórte