Fundasaun ALOLA hanesan organizasaun non-Governamental no non-lukrutivu iha Timor Leste ho misaun atu hasa’e kualidade moris feto no labarik nian. Liu husi programa prinsipal 4 mak Saude Inan no Oan, Edukasaun, Hakbiit Ekonomia no programa Advokasia, durante ne’e,  Fundasaun ALOLA hakbi’it kapasidade lideransa feto inklui halao advokasia ba direitu feto no labarik ho motto: “Feto Forte Nasaun Forte”.

Agora dadaun Fundasaun ALOLA – Programa Edukasaun buka loke opurtunidade ba Timor oan ida ne’ebé kualifikadu atu bele priense pozisaun (1) tuir mai:

OFISIÁL TERENU (OT)-PRÉ-ESKOLAR BASE KOMUNITÁRIA, BAZE IHA POSTU ADM OSSU – VIQUEQUE.

Pozisaun ida ne’e sei baze iha munisípiu Viqueque liu-liu iha postu administrativu Ossu atu promove kualidade independensia no asesu ba edukasaun.

Pre-eskolar Base Komunitaria (PEK) hanesan projetu ida iha programa Edukasaun, Fundasaun Alola. Projetu ne’e estabelese pre-eskolar ho tipu eskola iha sentru no eskola iha uma iha munisipiu Ermera no Viqueque. Iha tinan ne’e total pre-eskolar ne’ebé ezisti hamutuk 90 iha munisipiu rua ne’e.

Ofisiál Terenu ba Programa Edukasaun sei responsavel atu apoiu manorin, kanorin, labarik no komunidade sira hodi asesu no hetan abilidade no kuñesimentu hodi alkansa sira nia meta pesoál. Pozisaun ne’e mos sei servisu besik liu ho autoridade lokál, Komisaun Jestaun Eskolár (KJE) no fasilitadór sira ba implementasaun Projetu PEK iha nivel sentru komunitariu no pozisaun ne’e sei superviza husi Ofisiál Projetu no Kordenadór Projetu.

XAVE KOMPETENSIA SIRA:

• Halo koordenasaun di’ak entré Fundasaun ALOLA, lider lokal no komunidade hodi estabelese projetu pre-eskolar
• Enkoraja komunidade no inan-aman hodi promove, harii no kontribui ba pre-eskolar komunitaria iha suku no area remotas;
• Partisipa iha enkontru ho komunidade hodi identifika fatin ba estabelesimentu pre-eskolar, mobiliza inan-aman hodi atende enkontru;
• Suporta fasilitador hodi dezenvolve rekursu ba atividade aprendizajen;
• Halo monitorizasaun ba atividade pre-eskolar no suporta treinamentu regular ba Komisaun Jestaun Eskolar (KJE);
• Fasilita treinamentu kona-ba pre-eskolar ba fasilitador no inan-aman sira;
• Lidera atividade aprendijazen pre-eskolar tuir nesesidade baseia ba Kurikulu Nasional;
• Serbisu hamutuk ho Serbisu Edukasaun Munisipál kona-ba atividade pre-eskolar;

KUALIFIKASAUN NO ABILIDADE:

• Gradua husi Departamentu Edukasaun ou Bacharelato seluk;
• Lisensiatura Universidade iha area Edukasaun. Diploma ikus ne’ebe mak legaliza husi Ministeriu da Edukasaun.
• Esperensia minimu tinan 1 iha area edukasaun, liu-liu iha area pre-eskolar ne’e esensial.
• Prontu servisu mesak.
• Kartaun Vasina Covid-19 (La’os esensial)
• Hatene lori motor no iha karta kondusaun ne’ebe sei validu.
• Prioridade liu ba pesoal husi Munisipiu Viqueque, Postu Administrativu Ossu, ne’ebé mak hatene lian inan, Munisipiu Viqueque nian.

OINSA ATU APLIKA:

Favor submete ita bo’ot nia karta aplikasaun no Curiculum Vitae (CV) inklui dokumentus relevantes mai iha Edifisiu Fundasaun ALOLA – Avenida Bispo de Medeiros, Mascarenhas-Dili (Edifisiu Polisa Militar nia oin). Rekerimentu sei diriji ba Kordenadora Rekursu Humanu, Fundasaun Alola, molok loron 27 Junhu 2024.

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia husi deskrisaun serbisu, favór bele manda email:

vaga@alolafoundation.org (Koordenadora Rekursu Humanu, Fundasaun Alola)

Aplikasaun sei taka iha oras: 5 loraik, 27 Junhu 2024.

Feto forte Nasaun Forte – Strong Women Strong Nation – Mulheres Forte Nação Fórte