KOMPETISAUN DEZENHU LOGO FOUN IHA AMBITU SELEBRASAUN TINAN 25 FUNDASAUN ALOLA 🎨✨

Durante tinan 25, husi tinan 2001 to’o ohin loron, Fundasaun Alola hanesan organizasaun sosiedade sivil ne’ebe estabelese husi Mana Boot Kirsty Sword Gusmão hatudu ona ninia komprimosiu atu hamriik metin hodi luta ba direitu feto no labarik-feto iha Timor-Leste. Agora Alola sai ona sentru programa sentral ida ne’ebe serbisu iha area Saúde, Edukasaun, Hakbi’it Ekonomia, no Advokasia ba Igualdade Jeneru nian.

Atu selebra Jubileu tinan 25 Alola ne’e, ami konvida foinsae sira liu-liu feto foinsa’e kreativu atu partisipa iha kompetizaun dezenhu Logo Foun ne’ebé sei sai oin ba Alola ne’ebé modernu, dijitál, inkluzivu no firme ho lema: “Feto Forte, Nasaun Forte”.

Logo foun ne’e tenke reflete misaun no vizaun Fundasaun Alola nian ho Moto/Lema: “Feto Forte, Nasaun Forte” no fleksivel nafatin atu uza iha mídia oioin: relatóriu doadór sira, mensajen sira WhatsApp nian, spanduk semináriu nian, sertifikadu sira, no sasán sira.

Kritériu ba Logo 🌟:

• Simples & memorável, reflete kultura Timor nian no aliñamentu ho Alola nia vizaun no misaun sira
• Signifikativu (empoderamentu feto, saúde, solidariedade, esperansa)
• Fleksivel (kór tomak, íkonu, metan-no-mutin): fasil atu rekunese iha tipu media saida de’it ; Kór sira (rua) ne’ebé konsistente ; prefere ho formatu horizontal.
• Uza font ne’ebé ho letra moos no klaru, fó impresaun modernu no profisionál no indika vizaun Alola nian.
• Logo prinsipal (Full Color): bele uza ba dokumentu legal sira, relatóriu no banner/spanduk.
• Logo tenke bele lee haree ka lee hetan (vizivel) iha medida 2 cm (ba sertifikadu).
• Logo Iha verzaun rua ho lian 2 (Inglés no Tetun) ho format file: PNG + Vector (AI/SVG)

Ita-nia dezenhu logo tenke reflete Fundasaun Alola Misaun & Vizaun:

✅ Lema: “Feto Forte, Nasaun Forte”.

✅ Valór: Integridade, Kolaborasaun, Igualdade, no Serbisu Ekipa.

✅ Prioridade: Empoderamentu feto, saúde nutrisaun, edukasaun kualidade, no identidade kulturál Timor nian.

✅ Espíritu Timor: Reflete identidade kulturál ne’ebé hametin feto iha aspetu hotu.

Pontus Avaliasaun:

• 30% Aliñamentu ho Misaun Alola (Haree ba profil iha leten).
• 20% Simplisidade & Klareza.
• 20% Fleksibilidade iha mídia (WhatsApp, Banner, Sertifikadu).
• 15% Signifikadu Símbolu & Kór.
• 15% Kreatividade & Orijinalidade.

📅 Data ikus hatama dokumentus mak  8 de Maiu 2026.

🏢Oinsá atu Aplika:

Submete ita-nia proposta dezenu hamutuk ho esplikasaun filofozia logo ba Eskritóriu provizóriu Fundasaun Alola, 📍CBD 10, Andar 2, Timor Plaza-Comoro, Dili.

Manán-na’in ba dezenhu ne’e sei simu rekonesimentu offisial husi Fundasaun Alola hamutuk ho prémiu espesiál ida.

Mai ita kria istória! Ita-nia kriatividade mak prezente furak liu ba Alola nia tinan 25.

#Alola25Anos #JubileuPrata #FetoForteNasaunForte #KompetisaunLogo #KreatividadeFoinsae #TimorLeste #AlolaFoundation