Fundasaun Alola hanesan organizasaun non-Governamental no non-lukrutivu, ne’ebe mak opera iha Timor-Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saúde Inan no Oan, Programa Hakbi’it Ekonomia, Programa Edukasaun no Programa Advokasia. Fundasaun Alola lidera husi Manajementu Konsellu, nomos ho movimentu ne’ebé mak iha, ohin loron ekipa manajementu tomak lidera husi Timorense.

Agora dadaun Fundasaun Alola buka hela ema Timor oan ne’ebe mak kualifikadu atu bele priense pozisaun tuir mai:

OFISIÁL PROJETU (OP) SENTRU REKURSU BA FETO (SRF), PROGRAMA ADVOKASIA, FUNDASAUN ALOLA,  

Ofisial Terenu (OT) ne’e sei suporta Koordenadora Sentru Rekursu ba Feto (SRF) no sei servisu hamutuk ho koordenadora SRF no Ofisial Projetu sira seluk atu implementa projetu no atividades sira husi SRF nian. Pozisaun ne’e sei servisu ho organizasaun lokal atu identifika prioridade no dezenvolve programa ne’ebe responsavel hodi halibur lideransa feto sira. Ofisial Projeu SRF sei partisipa iha planu strategia hodi dezenvolve di’ak liu-tan programa Sentru Rekursu ba Feto, Programa Advokasia, Fundasaun Alola.

XAVE KOMPETENSIA SIRA:

• Ajuda Kordenador Sentru Rekursu ba Feto atu hala’o diskusaun mensal ba grupu feto atu fornese informasaun, fahe esperiensia, identifika forsa no estabelese programa prioridade.
• Servisu ho organizasaun feto sira hamutuk ho ekipa Sentru Rekursu ba Feto atu dezenvolve programa no diskuti prioridade
• Servisu ho kordenador Sentru Rekursu ba Feto atu dezenvolve proposal no implementasaun programa ne’ebe idetifika tiha ona
• Organiza servisu advokasia, seminar, kolokiu, enkontro no formasaun ba asuntu jeneru (formasaun ne’ebe identifika tiha ona tuir nesesidade vizitor sira nian).
• Partisipa iha enkontro rede referral, ne’ebe bazeia ba prioridade ne’ebe identifika tiha ona husi Sentru Rekursu ba Feto no Fundasaun Alola no hato’o fila-fali ba ekipa Sentru Rekursu ba Feto kona-ba rezultadu enkontro hirak ne’e.
• Suporta Ofisial Ligasaun hodi asegura/kuidadu ba data base organizasaun /ajensia no duador.
• Suporta Ofisial Ligasaun atu asegura/kuidadu ba biblioteka – material no komputador.
• Suporta Ofisial Ligasaun ba asesu Sentru Rekursu ba Feto, fornese rede referral no rekolla rezultadu ba iha data base.
• Prepara reportajen, aprezenta no reportajen sira seluk hanesan kordenador Sentru Rekursu ba Feto orienta tiha ona.
• Halo Observasaun no hato’o rekomendasaun kona-ba nesesidade treinamentu, atividades, literatura/ manual treinamentu no rekursu sira seluk hodi haforsa Sentru Rekursu ba Feto.
• Fornese relatoriu semanal ba kordenadora Sentru Rekursu ba Feto, Programa Advokasia, Fundasaun Alola.

KUALIFIKASAUN NO ABILIDADE:

• Akaba ona escola Universidade ho Diploma Direitu.

• Iha experensia masimu tinan 3 servisu ho organizasaun feto no labarik.

• Iha abilidade atu hakerek, rona no koalia lian Ingles.

• Abilidade ba fasilita no koordena treinamentu no diskusaun ne’ebé mak liga ho asuntu Igualidade Jéneru.

• Iha ligasaun di’ak ho parseiru hotu ne’ebé maka hala’o atividade servisu ba asuntu feto no labarik inklui Governo, UN-Ajensia no Organizasaun Internasional.

• Iha abilidade ba hakerek Relatoriu.

• Iha abilidade ba Asuntu Jéneru.

OINSA ATU APLIKA:

Favor submete ita bo’ot nia aplikasaun no CV inklui dokumentus relevantes mai iha Edifisiu Fundasaun Alola, Avenida Bispo de Medeiros, Mascarenhas (Quarter Jeral Polisia Militar nia oin), Dili, Timor Leste.

Rekerimentu sei diriji ba Kordenadora Rekursu Humanu, Fundasaun Alola, molok loron 06 Jullu 2023

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia deskrisaun servisu, favor manda email ba:

(Koordenadora Rekursu Humanu)

vaga@alolafoundation.org

Aplikasaun sei taka iha oras: 5 loraik, 06 Jullu 2023

#FetoforteNasaunForte  –  #StrongWomenStrongNation – #MulheresForteNaçãoFórte

l