Fundasaun Alola hanesan organizasaun non-Governamental no non-lukrutivu, ne’ebé mak operandu iha Timor Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saude Inan no Oan, Programa Hakbiit Ekonomia, Programa Edukasaun no Programa Advokasia. Fundasaun Alola lidera husi Manajementu konsellu, no ho movimentu ne’ebé mak iha, ohin loron ekipa manajementu tomak lidera husi Timor-oan.

Agora dadaun Fundasaun Alola buka hela ema Timor oan ne’ebé mak kualifikadu atu bele priense pozisaun (1) tuir mai:

OFISIÁL TERENU (OT)-MUNISIPIU VIQUEQUE, PRÉ-ESKOLAR BASE KOMUNITÁRIA , PROGRAMA EDUKASAUN,

Pozisaun ida ne’e sei baze iha munisípiu Viqueque liu-liu iha postu administrativu Uatulari atu promove kualidade independensia no asesu ba edukasaun.

Pre-eskolar Base Komunitaria hanesan projetu ida iha programa Edukasaun, Fundasaun Alola. Projetu ne’e estabelese pre-escolar ho tipu eskola iha sentru no eskola iha uma iha munisipiu Ermera no Viqueque. Iha tinan ne’e total pre-escolar ne’ebé ezisti hamutuk 96 iha munisipiu rua ne’e.

Ofisiál Terenu ba Programa Edukasaun sei responsavel atu apoiu manorin, kanorin, labarik no komunidade sira hodi asesu no hetan abilidade no kuñesimentu hodi alkansa sira nia meta pesoál. Pozisaun ne’e mos sei servisu besik liu ho autoridade lokál, Komisaun Jestaun Eskolár (KJE) no fasilitadór sira ba implementasaun Projetu PEK iha nivel sentru komunitariu no pozisaun ne’e sei superviza husi Ofisiál Projetu no Kordenadór Projetu. 

XAVE KOMPETENSIA SIRA:

  • Halo koordenasaun di’ak entrée Fundasaun Alola, Lider Lokal no komunidade hodi estabelese projetu pre-eskolar
  • Enkoraja komunidade no Aman-Inan hodi promove, harii no kontribui ba pre-eskolar komunitaria iha suku no area remotas;
  • Partisipa iha enkontru ho komunidade hodi identifika fatin ba estabelesimentu pre-eskolar, mobiliza Aman-Inan hodi atende enkontru;
  • Suporta fasilitador hodi dezenvolve rekursu ba atividade aprendizajen;
  • Halo monitorizasaun ba atividade pre-eskolar no suporta treinamentu regular ba Komisaun Jestaun Eskolar (KJE);
  • Fasilita treinamentu kona-ba pre-eskolar ba fasilitador no Aman-Inan sira;
  • Lidera atividade aprendijazen pre-eskolar tuir nesesidade baseia ba Kurikulu Nasional;
  • Serbisu hamutuk ho Edukasaun Munisipal kona-ba atividade pre-eskolar;

KUALIFIKASAUN NO ABILIDADE:

  • Gradua husi Departamentu Edukasaun ou Bacharelato seluk;
  • Lisensiatura Universidade iha area Edukasaun. Diploma ikus ne’ebe mak legaliza husi Ministeriu da Edukasaun.
  • Esperensia minimu tinan 1 iha area edukasaun, liu-liu iha area pre-eskolar ne’e esensial.
  • Prontu servisu mesak.
  • Kartaun Vasina Covid-19 (La’os esensial)
  • Hatene lori motor no iha karta kondusaun ne’ebe sei validu.
  • Prioridade liu ba pesoal husi Munisipiu Viqueque, Postu Administrativu UatuLari, ne’ebé mak hatene lian inan, Munisipiu Viqueque nian.

 

OINSA ATU APLIKA:

Favor submete ita bo’ot nia karta aplikasaun no Curiculum Vitae (CV) inklui dokumentus relevantes mai iha Edifisiu Fundasaun Alola, Avenida Bispo de Medeiros, Mascarenhas-Dili (Edifisiu Polisa Militar nia oin). Rekerimentu sei diriji ba Kordenadora Rekursu Humanu, Fundasaun Alola, molok loron 13 Dezembru 2023.

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia husi deskrisaun serbisu, favór bele manda email:

vaga@alolafoundation.org (Koordenadora Rekursu Humanu, Fundasaun Alola)

Aplikasaun sei taka iha oras: 5 loraik, 13 Dezembru 2023.

 
Feto forte Nasaun Forte – Strong Women Strong Nation – Mulheres Forte Nação Fórte
%d