Fundasaun Alola hanesan organizasaun non-Governamental no non-lukrutivu, ne’ebe mak operandu iha Timor Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saude Inan no Oan, Programa Hakbiit Ekonomia, Programa Edukasaun no Programa Advokasia. Fundasaun Alola lidera husi Manajementu konsellu, no mos ho movimentu ne’ebé mak iha, ohin loron ekipa manajementu tomak lidera husi Timorense.

Agora dadaun Fundasaun Alola buka hela ema Timor oan ne’ebe mak kualifikadu atu bele priense pozisaun tuir mai:

OFISIÁL TERENU (OT) – PROGRAMA HAKBIIT EKONOMIA (ema nain-2) ne’ebe mak sei baze iha Munisípiu Liquiça no Munisípiu Bobonaro atu hametin feto sira-nia partisipasaun ekonómika hodi hadi’a feto sira-nia estatutu, hasa’e oportunidade atu hetan rendimentu no promove independénsia ekonómika.

Ofisiál Terenu (OT) sei fó apoiu ba Jestaun Programa ne’ebé tau matan ba servisu iha kampu ho Area Protesaun Maritima (APM) nia grupu komunidade sira hodi asegura fasilitasaun ba empreza sira no formasaun sira seluk ba grupu sira-ne’e. Pozisaun ida ne’e mós sei jere konsultasaun ho grupu APM komunidade no grupu feto no seluk tan atu fó formasaun no apoiu ne’ebé presiza hodi asegura retensaun no kresimentu rendimentu ekonómiku feto nian. Nu’udar Ofisial Terenu, nia gasta tempu barak liu ho benefisiáriu projetu sira, halo viajen beibeik hodi hala’o introdusaun programa ho autoridade lokál sira, fasilita sesaun atu estabelese planu finanseiru no estrutura kontabilidade, avaliasaun ba nesesidade konduta no fasilita sesaun formasaun ba grupu APM komunidade no grupu feto sira iha área alvu sira.

XAVE KOMPETENSIA SIRA:

• Halo introdusaun programa ba autoridade lokál sira iha Munisípiu Likisa no Bobonaro, inklui lider komunitáriu sira iha Suku Vatuvou, Aidabaleten, Sanirin no Batugade;
• Fasilita sesaun atu estabelese planu finanseiru no estrutura kontabilidade ba grupu APM komunidade haat iha Suku Vatuvou, Aidabaleten, Sanirin no Batugade;
• Estabelese planu finanseiru no estrutura kontabilidade ba grupu APM komunidade haat iha Suku Vatuvou, Aidabaleten, Sanirin no Batugade
• Identifika no estabelese grupu feto haat iha Suku Vatuvou, Aidabaleten, Sanirin no Batugade;
• Fasilita estabelesimentu grupu (trainamentu báziku kona-ba jestaun grupu, estrutura, papél no responsabilidade) ba grupu feto haat iha Suku Vatuvou, Aidabaleten, Sanirin no Batugade;
• Halo avaliasaun ba atividade moris-di’ak atuál ba grupu feto haat no grupu APM komunidade iha Suku Vatuvou, Aidabaleten, Sanirin no Batugade;
• Halo konsultasaun ba merkadu no identifika opsaun moris ba grupu feto haat no grupu APM komunidade iha Suku Vatuvou, Aidabaleten, Sanirin no Batugade;
• Fornese formasaun regulár ba grupu produtor sira kona-ba métodu no abilidade moris-di’ak inklui, abilidade dezenvolvimentu agrikultura ki’ik, operasaun no jestaun, abilidade negósiu, kontrolu kualidade, servisu kliente, marketing no formasaun relevante ba komunidade APM;
• Servisu hamutuk ho Jestaun Programa, dezenvolve no mantein relasaun ho organizasaun relevante sira hanesan governu no ajénsia nasionál no internasionál sira/doadór sira kona-ba programa moris no asuntu patrimóniu kulturál;
• Atu servisu hamutuk ho Alola nia programa sira seluk ba atividade integradu sira iha kampu liu-liu servisu hamutuk ho Servisu Apoiu Munisípiu nian sira ba koordenasaun.
• Prodús relatóriu semanal no enkontru minutu sira husi vizita kampu;
• Asegura katak atividade no prosedimentu sira dokumentadu no sistema administrasaun apropriadu sira adere ba.

KUALIFIKASAUN NO ABILIDADE:

• Remata Eskola Sekundaria ka Gradua husi Departamentu Jestaun Ekonomia, Jestaun Negósiu ou esperiensia ekivalente;
• Esperensia minimu tinan 1 iha area Jestaun Ekonomia no Negosiu.
• Iha esperensia fasilita formasaun kona-ba jestaun finanseiru ba grupu komunidade ka grupu sira seluk.
• Prontu servisu mesak.
• Rezidente lokál sira husi Munisípiu Liquica no Bobonaro
• Abilidade ko’alia lian maternal/lokal (Tokodede, Bekais, Bunak, Kemak) no iha abilidade komunikasaun di’ak
• Kapasidade no abilidade atu servisu hamutuk ho komunidade iha área implementasaun projetu (Suku Vatuvou, Aidabaleten, Sanirin, Batugade)
• Hatene lori motor no iha karta kondusaun ne’ebe sei validu.
• Prioridade liu ba pesoal husi Munisípiu Liquiça no Bobonaro nian.

OINSA ATU APLIKA:

Favor submete ita bo’ot nia aplikasaun no kuríkulum vitae (KV) inklui dokumentus relevantes mai iha Edifisiu Sentral Fundasaun Alola, Avenida Bispo de Medeiros, Mascarenhas (Edifisiu Polisa Militar nia oin), Dili, Timor Leste. Rekerimentu sei diriji ba Kordenadora Rekursu Humanu, Fundasaun Alola, loron ikus submete dokumentus aplikasaun mak loron 25 Jullu 2024mak molok tuku 17:00 oras Timor-Leste no ami sei la atende aplikasaun online.

Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.

Atu hetan kopia deskrisaun servisu, favor manda email ba Koordenadora Rekursu Humanu:

vaga@alolafoundation.org

Aplikasaun sei taka iha oras: 5 loraik, 25 Jullu 2024.